مزقوك يا عراق / ارجو من الجميع الدخول والتقييم رجاء ً وأرجو تقبلي صديقا ً جديدا ً

[essamassomi]

مزقوك يا عراق ...
**********
شي أحزاب شي إرهاب شي عند العشاير..
ضاع حقك بالجفوف .. والخطأ هوالي ساير ..
وضاعت الثروه العظيمة .. وبالنفط كلهه تقامر ..
وضاعت الآثار كلهه وكل ذيج المآثر ..
وضاعت الضحكه البريئه وإنذبح طفلك على سطور الدفاتر ..

لكن إصبر يـــــــــا عراق ......

احنه بيك وما نغادر ..

هذا عليّك .. إنلعن سبعين من السنين عله المنابر ..
وهذا حسينك .. يدري بالموت وأخذ أهله وطلع سائر ..
وبجفوف أبو فاضل ياعراق تنرسم أجمل مناظر ..
وصل شط الفرات وما شرب .. لن هو ذاكر ..
عطشان اخوه حسين وسكنه للجربة تناطر ..
وهذا صوت الصدر صارخ .. وبالصدر احنه نفاخر ..
وهذا صوت الأمهات .. تبعثرت أولادها بكل المقابر ..
يا عراق ...
صار سنين عله هالحال وانت صابر...

اصبر اصبر .. احنه بيك وما نغادر ..
اصمد اصمد .. مايمزقنك خناجر .. ما يمزقنك خناجر..


اخوكم ابن البصرة الفيحاء

عصام المسعودي

[بنت النور]

عاشت الايادي..

روعه و الله

تحياتيــ..

[حيدر الصيدلانييي]

عاشت ايدك على الكلمات الحلوة

[micano]

عاشت ايديك على هذه الكلمات
وااكدلك احنه باقيين بوطننا بامنا وابونا بالعراق الي مايفرقنا عنه بس الموت