نتأئج الدور الثاني

[الباش مهندس]

اشلون الصحه الاخبار يكولون النتأئج يوم الاثنين او الاحد والله كريم انشأللله الكل ناجحه
تحياتي::51:: ::51::

[الباش مهندس]

شلونكم عساكم طيبيبن

رديت لكم بعد هالغيبه الطويله
ايييييييه ياااا يمه
اليوم يا يمه بكلمكم عن الفرق بين
رمضان اول
و رمضان هالايام
هالشهر الفضييييل اعاده الله علينا انشالله
من غير شر

و الفرق جبيييير والله
لااااا هابين بشي يديد

( استقبال ارمضان )
كل وحده تكشخ و تلبس ذيج الدرااااعه
و بنروح استقبال ارمضان
عشتووووو

اييييه الزمن تغير
و الطعم و النكهه القديمه راحت




الصيام
رمضان الله الناس اتصووم من قلب صيام صجي
مو صيام بو طقه مال هالايام
يصوب و يسب يصووووف و يسفط عليك عالعناد
قلوبهم صافيه محد يشيل على احد كافين خيرهم شرهم والحين اللهم يا كاافي
الصايم ينطر يقوول الله اكبر تف و سف و يولع زقاره و نفسه بخشمه عيل ليش صايم ؟؟



العباده
اول رمضان شهر عباده الناس تستغل كل دقيقه
حق الصلاة و الدعاء ينطرونه مناطر عشان الله
يغفر لهم ويمحي ذنوبهم
و الحين شهر مسلسلات ومسابقات و رموت كنترول الف مسلسل بالدقيقه !
لاااا مشالله بعض الناس يسوون جدول يالله من فضلك
المسلسل الكويتي الساعه 8 و المسلسل البحريني
الساعه 7 على القناة الفلانيه
و المسابقات على القنات العلانيه
عاد من زينها ياريت شي ينفع كل هالسمسلات يعلمون عيالنا الخراب و الحجي الفاضي
هذاا بدال لا يختمون القران يا حظي




الزيارات و المباركه بالشهر
اول الناس برمضان يزورون بعض عشان صلة الرحم
يقعدون مع بعض و يسولفون عن العباده و الطاعه
قلوب رحيمه ناس تعطف على ناس لا حسد ولا حقد
و الحين يزورون عشان كل وحده اتوري الناس ان دراعتها غاليه و كشخه و شاريتها من اليشمك و الثانيه من عواطف الحاي لا و لي ردت البيت بدت الحش و القرض وييييه بيتهم يفشل اثاثهم بو طقه
دراعتهااااا خيااااااااااااااااط مو جاهزه !!!! والله فراغه



بعد الافطار
اول يا يمه من يخلص الفطور يروحون يصلووون شحليلاتهم و بعدين يشربون هالجاااي بالزعفران و اللووومي و القهوه مع هالقيمات و القطااايف يازينها و يتزهبون الشباب و اليهال حق صلاة التراويح و يركضون للمسيد
و الحين بعد الفطور كل واحد ينسدح على قنفه ويحط بحظنه هالجيز كيك و هالكرم كرمل و هالكاكاو و هالحلويات كل واحد اللهم يا كااااافي بعد رمضان يصير فيل فيل ينطر المسلسل الفلاني و المسلسل العلاني



مسلسلات رمضانيه
اول يا يمه كل العايله تقعد في مكان واحد يشوفون المسلسل مع بعض مسلسل وااااحد ماكو غيره انشووفه و له معنى مو طقني و اطقك و تتفخ براطم و عمليات تجميل استغفر الله و اتووب اليه و الحين كل واحد يصك على روحه دار لان هذا يبي يطالع دبي و هذا يبي الراي و هذا يبي ال ام بي سي لا و لي قلت له قوووم صل المغرب قال يعني اتطوووفني المقدمه مالت المسلسل @@
!
الله اكبر علييييكم يا يمه




اكل رمضان
اول الللللللللللللللللللله يازين القيمات و اليريش و الهريس من ايد يدتي و يدتك تطبخه بنفس و طيبة خاطر و تتنقص حق الجيران ذيك الغريبه و لا محروق صبعه والمرقوقه و القبوط و الحين التشريب و صب القفشه اتسويه ميري و جاندرا و ياريت فيه طعم استغفر الله
الله يزيد النعمه
اول غيييييييير و الحين غييييير




النفسيه
اول وعليه عليهم ابهاتنا يعجلون ** يطحسون بهالقايله و الحر و اهمه صيام و لا احد يفج حلجه وعيله عليهم
و ينطرون الفطور وياكلون الموجود
يفطرون بتمره و لبن اللي موجود جدامهم ياكلون و يحمدون النعمه
و الحيييييييين ياااا حااافظ
صايم يداوم الساعه 9.30 و يطلع الساعه 1
و نفس خايسه و ماله خلق احد و عسا ماحاجيته
نزر عليك
لا و يرد البيت ابي جذيه و ابي جذيه كل هالاكل مو عاجبه يتشرط
لا ويبط جبدي لي قاال سوولي كلاب ساندوج هو هو يا يمه !!! شنووووو
ارمضان و لا ريووووق دوام ؟؟؟؟؟




نص ارمضان
اول يا يمه الحريم اذا صار نص ارمضان
قبل القرقيعان بيوم يسوون
يوم اسمه *** الناصفه
يغنوون ناااصفوووووه ناصفووووه
و كل وحده اتييب اكلها و يتيمعون و وناسه
نفوس طيبه راضيه
مستانسين انهم ناصفوا ارمضان
و الحين يظيق خلقهم مو عشان العباده
عشان بيخلص المسلسل اللي متابعينه
اييييييه
الزمن تغير يا يمه



الممشى !!!! @@

اكو شي باط جبدي يمه
قبل الفطور الممشى اتقوووول
يوزعون فيه فلوووس
شالذبحه عشتوووووو
كل الناس بتسوي رياااااضه
و البنااات هالترصص و الجينزات و المكياج
غبره
انتي مو صايمه يمه
شالعبوووووو
و الشباب و البقيات
عاااالم ثاااني
يوم ان فيكم حيل و صحه حق الرياضه
جان حطيتي همتج بالمطبخ سويتي شي ساعدتي امج
مو بس ركضه
و المغاااازل و الفصااااعه
يتحول الممشى الى مرينا مول يوم الخميس
يا حااافظ
شهر فضيييييل يا يمه





القرقيعان
عااااد حدث و لا حرج القرقيعان و ما ادراك ما القرقيعان
اول يا يمه القرقيعان يا زينه فرحه فرحه حق اليهال شي يونس ياحلو هاليهال لي عطيتهم هالحلاو المحزر اشلون يستانسون فيه
و ياكلونه
الحين القرقيعان صاار موضه اللي اتحطه بجيس بربريز يعني ماركه كشخه و اللي اتسوي صناديق كرستال
واللي اتدق على مصمم يسوي كراتين خاااصه غير عن الموجود بالسوق شالفسق و المصاخه
الله ما امر بهالفسق
وع وع وع قرقيعان فيه جلي ! قرقعان فيه كريم كرمل
مو ناقص الا يسوون قرقيعان ويحطون فيه كرواسون بالجبنه
@@




الغـــبقات
الغبقه يا حلوها قبل الاكل يا زينه والله
الحين عشتوووو
يسوون غبقه و يطلبون من المطعم
و لا يطلبون من الشيراتوووون
لييييش اشفيكم ماتعرفون تطبخووون
محروليييين ايدكم مكسره و لا عليها نقش الحنه ؟؟
لااااااا
عاد مبارات منهي لابسه دراعه كشخه
منهي لابسه دراعه غريبه
بطر بطر والعياذ بالله



العشـــــر الاواخــــــر
يا زينها والله هالايام المبروووكه
يا زين الصلاة فيها و العبداه و الدعاء
اتحس ان هالسام غير والله
هدوووء و سكينه
مو الحين
وينهم الشباب بالمرينا و بالقهاوي
عنبووووكم
ايام ماتتعوض
بدال لا تستغلونها يا يمه
جووود الله و رحمته الله يرزقكم الشفااعه يا يمه



الله يستر علينا و يرحمنا برحمته و يبلغنا هالشهر الفضيل يا رب العالمين



و ترا يا يمــه مو الكل جذيه
لو خليت خربت
الحمدالله اهل الخير موجودين عسالله يكثرهم يارب
و يهدي الكل و الجميع
وعساكم تعوودونه كل سنه و اتصومونه
و مبــــــــــارك عليــــــــكم الشهــــــــــــــــــر

[SuPeRpLaYeR]

حلوة منك ......................

[General_MCH]

اي و الله ، مشكوووور على الموضوع الحلو

[ೋ ياقوتـــة دجــلة ೋ]

اشو مداافتهم الباشا ترى مواضيعك تنزلها وي المشاركات ليش؟؟؟؟؟؟؟؟اكيد غلطان ترى تكدر تحذفها وتنزلها بموضوع وحدها لان كلش حلوة وحرامات هيجي ممبينه


بالنسبة للموضوع الاول اتمنى النجاح لكل المكملين والموفقية ايضا..