white wizard
03-02-2007, 04:44 PM
هلو شباب وبنات ::36::
اليوم جايببلكم قصةتبجي من الضحك
قصة ابو الفلافل وية كونداليزا تمن قصدي رايس خخخخخخخ سخيفة ادري
راح اسولفلكم لمن مرة جتني (كوندليزا رايس) لمحل الفلافل ورادت مني 300 لفة فلافل لان جان عدها عزيمة بالبيت الابيض..
مرة اني كاعد بالمحل وشغل ماكو اشو طبكت طيارة يم المحل ..ونزلت وحدة اني شايفها بس وين ما اعرف ...المهم كالت ( مرهبا) اني هم كلتلها ( مرهبتين) ..عاد انتم تعرفون هي ما تعرف تحجي عربي بس هلكد ما تحل مشاكل العرب اتعلمت شوية بس مكسر لان يوم تحل مشكلة فلسطين ويوم العراق ويوم السودان ويوم الكويت خطية الله يساعدها ويشيلها...
المهم كالت ( انت ما يورفني) كلتلها بلي عرفتج بس انت غير ما نشوفج بالتلفزيون ..كالت ( يعني اهلى ولا ما اهلى) تقصد احلى لو مو احلى..اني هم كلتلها لا بالحقيقة هوااية احلى..
ما اطول عليكم كالتلي( هباب اريد تلاتمية لفة فلافل بدون ساس وزود الأنبة شويا) تعجبها العنبة ...!!!..
وكملت التوصية واتحاسبنا وشلعت كلبي بالحساب وحتى عبالي مصلاوية ؟؟؟؟ ...
وضليت كاعد يومين احشي فلافل وطماطة وخس وخليت عنبة سفري هم ، الى ان كملت اللفات واخذت كيا للندن ومن هناك طيارة لواشنطن ...فوصلنا واشنطن بس شنو ...ضيعت بيت كوندليزا .. وضلينا نفتر اني وابو الطيارة الى ان شفتها دتشر هدوم فوك بالسطح وكبل نزلنا بالسطح ...وانطيتها اللفات وانطتني الحساب بس ناقص مال 20 لفة كالت على راس الشهر ..!!!
واني هم اخذت تكسي حتى ارجع للمحل لان عايف المحل وحده ..
وبنص الطريق عطلت سيارة التكسي ...شون شغلة بلا.... المهم اتبين العطل انه السيارة ينرادلها ماء بالكابريتر ...؟؟شنو الحل ..؟؟شنو الحل؟؟؟..
جت طيارة من فوكاية وصيحت عليهم طلعوا من اليابان فما افتهموا عليا ..؟؟
الى ان ابو التكسي شاف بطلين حليب فكلي لكيت حليب ينفع ؟؟؟ كتله اي ينفع وجبنا الحليب وخليناه مكان الماي ومشينا .........
وبنص الطريق اباوع وراية اشوف كام يطلع جبن من الصالنصة ... !!!!!!!!!!
ومن هذاك اليوم حلفت يمين بعد ما اوصل طلبات خارجية ...حتى خبرني توني بلير راد 400 لفة بس ما قبلت ..بعدين يتعلمون ..لان نص النهار قضيتها خارج المحل..
اليوم جايببلكم قصةتبجي من الضحك
قصة ابو الفلافل وية كونداليزا تمن قصدي رايس خخخخخخخ سخيفة ادري
راح اسولفلكم لمن مرة جتني (كوندليزا رايس) لمحل الفلافل ورادت مني 300 لفة فلافل لان جان عدها عزيمة بالبيت الابيض..
مرة اني كاعد بالمحل وشغل ماكو اشو طبكت طيارة يم المحل ..ونزلت وحدة اني شايفها بس وين ما اعرف ...المهم كالت ( مرهبا) اني هم كلتلها ( مرهبتين) ..عاد انتم تعرفون هي ما تعرف تحجي عربي بس هلكد ما تحل مشاكل العرب اتعلمت شوية بس مكسر لان يوم تحل مشكلة فلسطين ويوم العراق ويوم السودان ويوم الكويت خطية الله يساعدها ويشيلها...
المهم كالت ( انت ما يورفني) كلتلها بلي عرفتج بس انت غير ما نشوفج بالتلفزيون ..كالت ( يعني اهلى ولا ما اهلى) تقصد احلى لو مو احلى..اني هم كلتلها لا بالحقيقة هوااية احلى..
ما اطول عليكم كالتلي( هباب اريد تلاتمية لفة فلافل بدون ساس وزود الأنبة شويا) تعجبها العنبة ...!!!..
وكملت التوصية واتحاسبنا وشلعت كلبي بالحساب وحتى عبالي مصلاوية ؟؟؟؟ ...
وضليت كاعد يومين احشي فلافل وطماطة وخس وخليت عنبة سفري هم ، الى ان كملت اللفات واخذت كيا للندن ومن هناك طيارة لواشنطن ...فوصلنا واشنطن بس شنو ...ضيعت بيت كوندليزا .. وضلينا نفتر اني وابو الطيارة الى ان شفتها دتشر هدوم فوك بالسطح وكبل نزلنا بالسطح ...وانطيتها اللفات وانطتني الحساب بس ناقص مال 20 لفة كالت على راس الشهر ..!!!
واني هم اخذت تكسي حتى ارجع للمحل لان عايف المحل وحده ..
وبنص الطريق عطلت سيارة التكسي ...شون شغلة بلا.... المهم اتبين العطل انه السيارة ينرادلها ماء بالكابريتر ...؟؟شنو الحل ..؟؟شنو الحل؟؟؟..
جت طيارة من فوكاية وصيحت عليهم طلعوا من اليابان فما افتهموا عليا ..؟؟
الى ان ابو التكسي شاف بطلين حليب فكلي لكيت حليب ينفع ؟؟؟ كتله اي ينفع وجبنا الحليب وخليناه مكان الماي ومشينا .........
وبنص الطريق اباوع وراية اشوف كام يطلع جبن من الصالنصة ... !!!!!!!!!!
ومن هذاك اليوم حلفت يمين بعد ما اوصل طلبات خارجية ...حتى خبرني توني بلير راد 400 لفة بس ما قبلت ..بعدين يتعلمون ..لان نص النهار قضيتها خارج المحل..